محاوره ابو علاج الغامدي مع حبيب
 

المحاورة التي جرت يوم الخميس الموافق24/11/1430هـ والتي كان فرسانها

الشاعر : مبارك ابو علاج
الشاعر:حبيب العازمي

يقول أبو علاج

ياسلام الله على من جيت ساري في رضلّه*** بعد ماجانا الرسول وبعد ماجتنا الرساله
العوازم صايره ذا الوقت دوله مستقله***لاتفكرفي نظام ولاتفكر في عداله

حبيب العازمي

مرحبا والضيف عند معزبه هذا محله *** والجميع ضيوف ومبارك بتقديره لحاله
العوازم لوتجي في دار غامد تستحله***عزتي للي يمينه ماتعدي عن شماله

ابوعلاج

بارك الله فالجنود وبارك الله فالمظله***ماتويق الا على راس الجبل والموت جاله
الله اعطاكم شهر عاشور من هله لاهله***والضعيف اللي يابوفيصل تلوى به حباله

حبيب

مانشاهد في سمانا الا النجوم اللي مطله***لو نظرها واحدِ في صفكم حوول عقاله
ماعينت النا البعير اللي يشيل الحمل كله***طامعا به غامدي والغامدي ماهو حلاله

ابوعلاج

انت رجال كفيف ومونس ِ فالكبد عله***مرة تجلب شعير ومرة تجلب نخاله
شايف صورتك بالخط المكبر فالمجله***ماعلاها لك رسوم ولاعلاها لك دلاله

حبيب

انت رجال شربت الما وحلقك مايبله***والجواهر فالخزينه والمقاضي فالبقاله
ياعرب نعم العرب وانتم عرب مذهب ومله***ماطمعتوا في حلال عتيبه الا فالبطاله

ابوعلاج

ودي اجاوب حبيب بعد ماشفته واقله***ماكفاك اسمك عن اسما ربعكم مالك وماله
مايكفينا من اهل المعرفه فنجال دله***والغشيم اللي بعض الاحيان يجهل في جماله


حبيب

الجبل ثابت وراسي يابشر والظل ظله***وسمكم يفرق بحرف الهاء وهذيه دلاله
هات معدالك زمن هو في يده سيف يسله***وان رجعتوا واجبة والهدي خير من الضلاله

ابو علاج

اسمنا سيفن نهار الحرب والغارة نصله= وانت مدرب من عمام مسيلمة ولا خواله





منقول من منتدى بني كبير

واضح تفوق حبيب في الطاروق ولا هي غريبه



مع ان ابو علاااج شاعر مرعب لشعار العرضه




ابن روق مشكووووور على النقل

بما انك شاعر وضح مكامن التفوق من جهه رايك



ولاهنت على المرور

طاروق ابدع فيه ابوعلاج صراحة

طبعا تقولوون وبوفيصل؟؟

اقول في فيصل ما يحتاج نقول ابدع لأنه ملك المحاوره...ولكن كون ابوعلاج يجاري فارس من فرسان المحاورة بهذا الطريقة فهذا مصدر اعجاب وفخر لنا كابناء قبيلة واحده

واتفق مع صاحب الموضوع في طلب توضيح اسباب تفوق حبيب التي ذهب اليها

واتفق مع اخي بن محايا على كون المعنى في لقب الهيلا

شكرا

لاهنت يالذيب

هلا اخوي فهد حياك الله


يسعدني مرورك وتعجبني ردودك وتفكيرك ورايك كذلك يعجبني


بطرح السؤال نفسه عليك سبب تفوق ابو علاج من وجهه نظرك



ومنكم نستفيد

حياك الله يامحمد

من المستحيل اعترف بتفوق مبارك بوعلاج على حبيب لأن حبيت شاعر كبير وقدير وهو يمارس فنه الاصيل عكس مبارك

ولكن انا قلت اني معجب جدا بابيات مبارك ومجاراته لحبيب وهذا يحسب له صراحة لأني لم اجد في بيوت بوعلاج مدخل فهي بيوت سمان وجزله فضلا عن مسايرته لمعنى الهيلا وطرح وجهة نظره برمزيه جميله وتركيب رئع للبيت.

لاتنسى انك امام شاعر مثل حبيب العازمي فكون مبارك يبادر بهذا الهجوم ثم يجاريه الى اخر الطاروق بنفس واحد ومستوى واحد من الابداع فهذا مكمن الاعجاب عندي

وللجميع حرية المخالفة لرأيي

تحياتي لك يالغالي

محاورة من الطراز الثقيل

شاهدتها في قناة المرقاب في حفل زواج شقيق المذيع المتألق في قناة المرقاب فهد الثبيتي

لكن للأسف قناة المرقاب لم تعرض المحاورة كاملة ما ادري وش السبب !!!!!!!!!!!!!

آخر بيت في المحاورة عرض في قناة المرقاب كان للشاعر الغامدي

اسمنا سيفن نهار الحرب والغارة نصله @@@@ وانت مدرب من عمام مسيلمة ولا خواله

يعني حتى أبيات الغامدي لم تعرضها كاملة قناة المرقاب

ورغم اعجابي الكبير بحبيب العازمي الا ان ابيات الشاعر الغامدي كانت اقوى واجزل وفيها رمزية وهذا شيء يحسب للشاعر


وعتبي على حبيب العازمي عندما استخدم كلمة بقالة في المحاورة حتى يجاري القافية وهذا ضعف

فحبيب غير عاجز على ان يأتي بكلمة افضل من هذه الكلمة

محاورة جميلة ابدع فيها ابو علاج مقابل العلم الكبير حبيب

وبصراحه ماتوقعت ابو علاج كذا