قصيدة لبديوي الوقداني
 

هذه قصيدة لبديوي الوقداني اخترتها لكم وامل ان تكون جميلة وتحوز
على رضاكم واذا بغيتوا قصايد ابشرو
ايامنا والليالي كم نعاتبها ؟
***********شبنا وشابت وعفنا بعض الاحوالي
تاعد مواعيد والجاهل مكذبها
************واللي عرف حدها من همها سالي
إن اقبلت يوم ما تصفى مشاربها
************تقفي وتقبل وما دامت على حالي
في كل يوم تورينا عجايبها
************واليوم الاول تراهـ احسن من التالي
ايام في غلبها وايام نغلبها
************وايام فيها سوا والدهر ميالي
جربت الايام مثلي من يجربها
***********تجريب عاقل وذاق المر والحالي
نضحك مع الناس والدنيا نلاعبها
**********نمشي مع الفي طوٍع حيث ما مالي
كم من علوم وكم آداب نكسبها
**********والشعر مازون مثقال بمثقالي
اعرف احروف الهجا بالرمز واكتبها
**********عاقل ومجنون حاوي كل الاشكالي
لكن حظي ردي والروح متعبها
*********ما ادني حُسن تاديبي مع امثالي
إن جيت ابي حاجة عزت مطالبها
*********العفو ما واحد في الناس ياوالي
قوم الي جيتهم رفت شواربها
*********بالضحك واقلوبها فيها الردا كالي
وقوم ٍ الي جيتها صكت حواجبها
*********وابدت لي البغض في مقفاي واقبالي
ماكني إلا امسوي حال مغضبها
*********والكل في عشرته ماكر ودجالي
ياحيف !تخفي اُموراً كُنت حاسبها
********واللي على بالهم كله على بالي
الجار جارفي وكم قوٍم محاربها
********والاهل واصحابنا والدون والعالي
والروح ويش عُذروبها في ترك واجبها
*********راح الحسب والنسب في جمع الاموالي
نفسي تبي العز والحاجات تغضبها
*********ترمي ابها بين اجاويد وانذالي
المال يحي رجالاً لاحياة ابها
**********كالسيل يحي الهشيم الدمدم البالي
عفت المنازل وروحي يوم اجنبها
**********منها غنيمة وعنها البعد أولالي
لاخير في ديرة يشقي العزيز ابها
**********يمشي مع الناس في هم وإذلالي
دارٍ بها الخوف دوم ما يغايبها
*********والجوع فيها ومعها بعض الاحوالي
جوعي سراحينها شبعي ثعالبها
**********والكلب والهر يقدم كل ريبالي
عز الفتى راس ماله من مكاسبها
**********يامرتضى الهون لا عز ولا ما لي
دللت بالروح لين ارخصت جانبها
**********وانا عتيبي عريب الجد والخالي
قومٍ تدوس الأفاعي مع عقاربها
**********ولها عزايم تهد الشامخ العالي
خل المنازل وقل للبين يندبها
*********يبكي عليها بدمع العين هطالي
لاتعمر الدار والقالات تخربها
*********بيع الردي بالخسارة واشتر الغالي
ما ضقت الأرض وانسدت مذاهبها
*********فيها السعة والمراجل والتفتالِ
دارٍ بدارٍ وجيران نقــــاربها
*********وارٍض بأرض وأطلالٍ بأطلالي
والناس اجانيب لين إنك تصاحبها
*********تكون منهم كما قالوا بالامثالي
والأرض لله نمشي في مناكبها
*********والله قـــدر لنا ارزاقٍ وآجالي
حث المطايا وشرقهـــــا وغربهـــا
*********واقطع بها كل فج دارس خالي
واطعن انخور الفيافي في ترايبها
*********وابعد عن الهم تمسي خالي البالي
من كل عملية تقطع براكبها
*********فدافد البيــــــــد درهام وزرفالي
تبعدك عن دار قوم ودار تقربها
********واختر لنفسك للمنزال منزالي
لو مت في ديرة قفراً جوانبها
********فيها لوطي السباع الغبس مدهالي
اخير من ديرة يجفاك صاحبها
********كم ذا الجفا والتجافي والتعلالي
دُوس المخاطر ولا تخشى عواقبها
********الموت واحد وبعد العز يجلالي
إن المنايا إذا مــــــــــدت مخالبها
********تدركك لو كنت في جو السما العالي
ما قرت الأسد في عالي مراقبها
********تسعى على الرزق مانحت للاشبالي
والشمس في برجها والغيم يحجبها
********تقفى وتقبل لها في العرش مجدالِ

الظاهر ان القصيد ة ما عجبتكم

مشكوووووووور شليويح
 

[ALIGN=CENTER]والله اني ادور فيها من زمن
المشكلة في المنتدى ان الموضوع اذا راح راح يعني لو تجي عشر مشاركات غطت على اللي قبلها
عموما ما قصرت

أسمحلي بنقل هذه القصيدة لقسم الشعر الشعبي

لا والله الا معجبتنا ياشليويح وبيض الله وجهك

لو مافيها الا هاالبيتين كفتنا ياشليويح

دللت بالروح لين ارخصت جانبها
**********وانا عتيبي عريب الجد والخالي
قومٍ تدوس الأفاعي مع عقاربها
**********ولها عزايم تهد الشامخ العالي

بيض الله وجهك وصح لسانك والله يرحم بديوي الوقداني

يعطيك العافيه ياشليويح العطاوي ولا عدمناك وماقصرت يالغالي


تقبل تحياتي

بيض الله وجهك يا شليويح
قصيدة من اجمل القصائد التى يبحث عنها القارئ


تشكر على هذا الجهــــــــــــــــــــــد

تقبل تحياتى

لا والله شعر حلو و100%

ومشكور عليه

ويا شباب بتلقون كل الشعر موجود هنا في منتداي حياكم ومنتداي منتداكم


http://members.lycos.co.uk/sunq8/vb/



تحياتي