جيت لا انام ليله ماهو لجل السهر=السهر عادة عجزت لاغلب عليه
بس لعلي احلم لو بلمحت بصر= فيك ياوجه ياللي غير كل الوجيه
يا مذوقني اللوعات صبح وعصر=كل شي في ذاك الوجه ماله شبيه
لوحة مشرقه تجمع جميع الدرر=الوجه فيه مايكفي قتل عاشقيه
طرفا احور على وجنات ورد حمر=ومبسما فيه كالياقوت والموت فيه
والنحر كالقمر في ليلة اربع عشر=واهني القمر فاي ارض يقدر يجيه
وباقي الجسم ماني واصفه للبشر=ابحتفظ به لنفسي وارجي الله فيه
وارجو المعذره عن شرح باق الصور=ما امن الناس والشيطان حي السفيه
ولو اكمل وصوفه يمكن افطس قهر=او اسبب لغيري موت واجني عليه
خلها لوحة فالبل طول الدهر=كل يوم اتخيل كل ماتحتويه
وان تصورتها تذبل وجف الزهر=قلت ياعيني اسقي ورد من ترتجيه
وكل هذا ضريبة ليه امد النظر=ليه ياعيني القشرى تلدين ليه
ماتعرفين بان العشق قصف العمر=وان بعض النظر يورد مواريد تيه
قالت العين مره وحده ماتضر=الشريعه تقول الاوله لك وليه
ليلة البارحه مانمت حتى الفجر=احسبني على موعد معه واحتريه

المشاركة الأصلية كتبت بواسطة أخو جوزا (المشاركة 1028598) ماتعرفين بان العشق قصـف العمـر وان بعض النظر يورد مواريـد تيـه صح لسان شعيل

المشاركة الأصلية كتبت بواسطة ماني بهايب (المشاركة 1028777) بيض الله وجهك شاعر جزل