سلام رديه سواة الختم في درج الامير = مايختم الا للثبوت الثابته والبيّنه !!
شفنا رعد قدّام باب الطايره .. قبل تطير = يودّع اصحابه وفيه امن المحازن عيّنه !!

يا مرحبا ترحيبة اللي يرجي الحي القــــــدير=والا الخلايق كلبوها يالسعيدي هينه
الفارس اللي محتزم بالدرع والسيف الشطير=ما غرته بعض المظاهر فالعظام اللينه

اما شملك العفو في شهر رمضان (يصير خير) = اعرف عقيد يمشي اومور الوجيه الديّنه !!
اللي صدق .. يامرحبا .. واللي كذب في زمهرير = وانا معي وجهة نظر .. والعلم ليش تطيّنه !!

العفو للي يشكي اللوعة وتأنيب الضمير=والا الغني من جاه منكم مستعد يدينه
النجم في عالي سماه ولا يراه الا البصير=لا تنشد العميان ويقولون مااحدن عينه

حبيب الله يحفظه فالمملكه شاعر كبير = ماهو سواة منيف .. ياشينه وشين لسيّنه !!
في كل عام .. اقول يظهر نور خير ونستنير = والوضع باقي مثل ماهو .. والكريم يزيّنه !!

اللي يبيع المسك ما ينفخ على الأصحاب كير=لكن فيه عيون عن شوف الحقايق خينه
نور الفجر ما تدركه يا غاسق الليـــل الاخير=ما يدركه من يمشي الطرقة بنيه شينه

المشاركة الأصلية كتبت بواسطة علي فلاح العضياني (المشاركة 1027751) الله الله صح لسانك يابو عايش و صح لسان العمده متاااابع

حتى ولو غيري ضرير .. انا ترى ماني ضرير = اشوف صقرٍ حر ميقاعه في غير مكيّنه !!
انته معك خطه خطيره ,, ويش ناوي ياخطير = اظن جنيّتك في بعض الليال حنّينه !!