سنه مسجون يرقب ويتحـرى ليـن تـــيـم تــيـم=مابين القلب في وسط الخفوق وبين معلاقـه
كشفت لبرقعه يومه نخانــي يامجــري الهـيــم=عطاشا الجزل ترقب بالمخـيـلـه نوض براقــه
كفخ هجس القصيد بجو نجد اللي غطاه الديـم=بعد عـوج الحنايا ماأطلقت سـبـقـه على فاقـه
مجار وفي حمى الله ثم حماي ولا يجيك الضيم=مدام الراس ينشق من هوا الغربي ليا ساقـه
وش اللي تنتظر دام المعاني في زمانـك حـيم=عليك اللوم من شعر الـنـبـط وأهـلـه وعشـاقـه
الا ياهم ياللي مرمسن وسـط الحشـا ومقـيم=تجددك السنين ومـنـك ضـاق الـصـدر وأخلاقـه
سنيني هي سنيني والليالـي كلبـوهــا سـيم =تـغـيــر مـاتـغـيـر مـن يقـولـــــه زود ارهــاقــــه
ترا صيورهـا لـيـــل وصبـــاح وعـــج والا غــــيم=والايام مـعـروفـه بالاسامـي ياهـل الـنـاقـــه
لقاء وافراق واحزان وفرح ومقسـمـه تقسـيم=يـسـيـرهـا الـقـدر للأدمـي و بـحـكـم خـلاقــه
وانا بقول قول (ن) منه تصحي يالفـؤاد النـيم=تـرا عـمـرك هــدف وايامـنـا للـعـمــر تـفـاقـــه
تغانم مابقى قبل الندم واخـذ الحـذر يافهــيم=نصيحه من فـواد(ن) مدها للـمـسـتمـع بـاقــه
على منزل الف لام العظيم اللي خلقك ومـيم=توكـلت وسـجـدت طـامـعـن بـرضـاه واعـتـاقـه
انا عـبـد ضـعـيف بكـل وادي يارحــيـم اهــيـم=والا ارجـي غـيـر عـفـوك ياكفـيل العبد وارزاقه