سلام الله على الصاطي اللي مالقيناه=بعد ماعودت للحزام ولذخيره
ونا لولاي خايف من المعبود وخشاه= لحطه ياعرب في رحاتن مستديره

هلا يا مرحبا بالكتاب اللي قراناه=ولا نعرف من ايا بلد ويات ديره
كلامٍ مايناسب رفيع القدر والجاه=ياليت اللي يقوله يرده في ضميره

ياصاطي جاك موجز لكن العلم يقفاه=وخلك منتبه ونت الك بصر وبصيره
نشوف الشايب اللي يحاول يجمع ابناه=لكن الابن اله سيرتن ماهيب سيره

توصي واحدن مايبا تنبيه ووصاه= ومن لا يعرف الصقر ولع فيه نيره
معاوين الظفر كل جدراً ترفع ابناه=ومعاوين الردى تهدم ابيوتٍ كبيره

بعد شيخك فتح مجلسه والربع تنصاه=ماعيناك موجود في صف العشيره
تراحيب البصيص مايجهل فعل شلفاه=مواقيفه كبيره مواقيفه كثيره