سلام من نفسٍ تحب الصدق وعلوم الصحاح=العود ثابت في محله والقبيلة محزمه
يامروحي طير السعد لا كان رفرف بالجناح=زادت علاه النفس واصبح فالخلا مانلزمه

يامرحبا ترحيبة ٍ ميرادها العد القراح = والهينه تكبر فعين اللاش واللاش رخمه
على ظهور القوم يانياف ثلثين السلاح = لا تقطع الساقه ترى كل الدروب ملغمه

ياهيه لا تطغى علانا بالندايب والصياح=اللي يجيب الصدق فالميقاف محدٍيلجمه
العود سبًب مشكلة ضيًع عياله فالبراح=واللي يضيٍع له أمانة كيف ربي يرحمه

انته لو تجيب الدليل اللي في مختار الصحاح = يمكن تهونها على نفسك بحسب الترجمه
بعض الحمول اليا رميناها علاك السد باح = مير اطلب الله يصلح الاحوال وابليس ارجمه

كل الأدلَة باطلة ما عاد فالقلب ارتياح=أزريت أقنِعهم وكل انسان خشمه يعرمه
أنا أطلب الله مايموت شعيل لو الحمل طاح=واللي يقفِي بين خلق الله أنا كيف أزهمه

تبا تدور الدايره والليل يقفاه الصباح = وام الثمان البيض تضحك والثمان ملثمه
اللي معنا طول عمره لاتقولون استراح = حتى يحقق بيرق الميلون ولا يقسمه