سلام تسليمة غلا منها نفيد و نستفيد=و الطيّبه لهل القلوب الطيّبه نبدابها
الجندي اللي بين يوم و ليل رقّوه لعميد=الله يعينه للبنادق لا هوى مضرابها

يا مرحبا بالغالي اللي بالمعرفه له رصيد = والطيبه بيني وبينه ما يقفل بابها
اللي يحصل شي يستاهل هذا العلم الاكيد = واعرف ترا النيران ماشبت لالا شبابها

دام البقا يا صاحبي سلطان و اسعد يا سعيد=اصحابكم و اصحابنا و اصحابنا و اصحابها
لونّها بالطيب قلنا يا عسى حظه يزيد=لكنها بالواسطه يا لعنبو من جابها

الشهرااني :

الجندي اللي بين يوم و ليل رقّوه لعميد ** الله يعيـنـه للـبـنـادق لا هـــوى مضـرابـهـا

سلطان بن دحيم :

اللي يحصل شي يستاهل هذا العلم الاكيد ** واعـــــرف تـــــرا الـنــيــران مـاشــبــت لالا شـبـابـهــا

--------------------------------------------

ياسلام ياسلام ,,

الشهرااني + ابن دحيم ,,

صحت الالسن والقلوب ,,

بيض الله وجيهكم ,, وعساكم على القوة ,,

طاروق بين العمالقة ,, يستوجب المتابعه ,,

متااابع للفاائدة والمتعه ,, !!!!

انا معك صاحي فكر وانته ذكي ما انته بليد = ترا الرساله لومها يرجع على كتابها
هذا غبن والا حسد بالله قلي وش تريد = ترا السيوف البيض سلتها تعز نصابها

الضيف في حكم المضيّف كان ذا بيت القصيد=تراك يا سلطان من بين الرجال اولابها
دام الصعيدي ضايعٍ ماله و حاله فالصعيد=ما فيه داعي نفس بو نوّاس لا يشقابها

الضيف ما قلط على يا صاحبي قدر العصيد = والشاذليه كيف وتقدم على شرابها
اربع سنين تقدم اوراقك على ساع البريد = ولاحصل مردود يا شهران ويش اسبابها

ان كان ضلعك من حجر انا ترا ضلعي حديد=الشاذليه كيف و الشرهه على صبابها
قد قلت لك لكنّ عيّت تستوي روس العبيد=الاوله في ضرسها و الثانيه في نابها