سلام ومرحبا في ملتقى الشعار ياشعار=على سلم الرجال يخلص الطلاب طلابه
ليامن كبرت الحمله ليامن طول المشوار=ماقاد القافله ياهل الحميا ناس نصابه

هلا وبك البقى يالى ترحب والعلوم اكبار=علومك هاتها والصدق دائم تسبق اركابه
اثر عز الرفيق يراقب الطيار با لادار=يحسب الوقت وضروفه وغيره ناس حسابه

الا ياهل الجزاله وقفوا مادونها معذار=على وضحى النقا بسل سيفي وكسر جرابه
تشيلون الامانه والامانه دين يالاحرار=ترى ماهيب سلعه بين سوامه وجلابه

انا مسلم على نهج النبى وحارب الكفار=معى مدفع وطياره وسياره ودبابه
تحبزم والجنايز جالها يا صاحبى قبار=تعشا فى مكانك مار بكره لاتغدابه

تقوله مار انا اللي عارف المدخال والمظهار=وعرف اللي ليا نادى المنادي يفتل اشنابه
نظر عيني يقديني ليا من ضاعت الانظار=وبعض الناس ركب بصمةالخنصر لسبابه

علومك طيبه واهل المدينه نصهم انصار=يقولون العرب برق العبى فا السوق تتشابه
ترى قلب المطيه والكلا فى عيبة الجزار=يجي للحق طلابه وتقنعبه ويرضابه