سلامي ياهل الحفله اللي جالها سمعه وصيت =من طيبها يبقى على طول الليالي وطيتها
عطنا علومك يالعصيمي وش هدمت !وش بنيت! =قالوا كسرت اشداد ريمه والعصا وصيتها!

يا مرحبا يالشاعر اللي من بلاد العيص جيت =اوحيتها يا صحابي والا بعد ما وحيتها
انا ليا حدتني الايام دورت ولقيت =وانت سواة العنكبوت اللي تخيط بيتها

دام البقى باللي مسير بالجزيره كملبيت =واهل الكويت اليا بغى حاجه يخش اكويتها
انت ثلاث ســ3ــنين تبني بيت فوق انقاض بيت =حاولت فالعقده ووقفتلك ولا حليتها

انا غزيت مع اول الفرسان وانت ما غزيت =وانا ليا رحت بمهمه كايده انهيتها
احسبك تدري يا محمد وانت غافل ما دريت =واثرك توسوس في صلاة الله ليا صليتها

الغزوة اللي سجلوها الربع وانت ما بغيت =محدن يقول انك مسويها لكـــنك سويتها
هذه الحقيقيه يالعصيمي لن زعلت ولن رضيت =معقول ثارت عندك البندق ولا حسيتها !!

انا ليا حولت في سوق الغلى بعت وشريت =ويميني اطول منك يا محمد ليا مديتها
يا مصاحب التجار طال العمر وينك ما اغتنيت =والحامضه ما تنطعم لو بالعسل حليتها

انت منــاوي مدت اليمنى لكنك ما قويت =يا ليتها تسلم على ما حصلت يا ليتها
اجامل التجار لكني نويت اللي نويت =ابضاعه(ن) ما سميت وابضاعه(ن) سميتها

جاتك من الله يا محمد لا سعيت ولا دعيت =واثرك ما طلعت سكينك ولا حديتها

المشاركة الأصلية كتبت بواسطة ابو فايح (المشاركة 1023789) تم التعديل ولاهنت يا صعيب المنال على النقل الرائع وصحت السنتة الشعراء