سلام رديه قبل سرد السوالف والعلوم = ولكل بيت نحط معنى والمعاني وافره !!
لو جابنا الحظ ياعلي فالمحكمه صرنا خصوم = لاتنطلق قدّام لايبدا الحكم بالصافره !!

يا مرحبا ترحيبة تنقال في وقت اللزوم=من شاعرٍ تسلم على يده الوجيه الكافره !!!
ليا دقّ طبل المعركه ثم إلتقوا قومٍ و قوم=من شفت وجهه في هذاك الوقت ماني وافره !!!

اللي طمع فالمرجله حتى عيونه ماتنوم = يعافر الحلم المهيّا والحلوم تعافره !!
عطنا الاشاره من عصير .. اليا اجتمعنا فالجموم = حتى نحزم العلم قدام الوجيه السافره !!

قابلت الاصعر , قال : عفشي فوق شقران محزوم=سافرت يوم إنّي لقيت إنّ العباد مسافره
إن كنت نايم كيف يا فواز من نومك تقوم ؟=ما تسمع صهيل الحصان و دربكة حوَافره

اثر العرب تذابحو من شان زاهيت الرقوم = اللي تمزّع شوشته واللي تروح اظافره !!
قولو عسى الطايح يطيح ومن مطيحه مايقوم = الحرب خدعه .. والغشيم يلدّ في خنافره !!