من حروة الموصل لنجدن تعنيت = نصيت أنا عز العروبة وحماها
لا نادوا بسلطان يامير فزيت = صرخة بقلبي من يوصل صدها
تزهابك الأشعار ويشمخ بك البيت = بشرواك أبو خالد قصيدي يتباها
لو كان قصدي المال يامير ماجيت = نفسي كريمة والمعزة غناها
ماني مع الحيين عدي أنا ميت = أركاني الهوجاس ليا منتهاها
شكيت لله وبسموك تعزويت = زبن الحراير وبالموازم ذراها
كم من عليل مخطر الحال داويت = حالة ضعيفة وعلى يدك اشفاها
أنتم هل العوجة وفيكم تنخيت = من مصقرن صعبن على من بغاها
مقصرة بالمدح ولا ظني اوفيت = تسلم حياتك جعل روحي فداها
وصلاة ربي عد حجاج بالبيت = على النبي واعداد نجوم بسماها