سلام الله على ناصر وناصر من كبار الجاه=من الاد العصيمي عزوتن تفخر بها عتيبه
وعرفه شاعرن قد المهمه ماقفه يحماه=لكن لياتخلى عن لزومه ويش اسويبه

هلا يامرحبا بالشاعر اللي صاغ لي معناه= وعد الحق يوم الحق لاشكٍ ولا ريبه !!
تقدمنا ومن مد الوفاء من ماتمد ايداه = نبى نكرم سباله بالكرم ونطيب من طيبه

الا ياكبرها ياصحابنا فوق الولد كبراه=سليل المرجله وشلون قصر في مواجيبه
انا ماودي اشوف العصيمي ساري بعمياه=ابا علمه في علم السعد والطيب يحريبه

قليل العرف لو يجهل علينا مانعد أخطاه=ولو إنه يبى يسري يحدر الضلع وشعيبه !!
وش اللي يدفعك قبل الكلام اللي عليك اعلاه=على شان نتكلم بالكلام الجزل ونجيبه !!

ترى الطيب ليا منه غلط قلنا الغلط يفداه=دمحنا زلته ماودنا نرميه ونصيبه
لياضموك صف المنتخب ناديك لاتنساه=هذا الواجب على الكبتن ياناصر ونت تدريبه