اعوذ بالله من غثا كل شيطان = اللي على درب الوفا ما اعانك
رحت اتّقدابه على درب عميان = وين انت غازي يوم تسرج حصانك
لولا الحيا من روس ذربين الايمان = لعلمك بالضبط وشهو مكانك
وان شفت مني يوم تقدير واحسان = حرام ماهو يامفغل عشانك
ياما حشمنا فلان من حشمة فلان = وياما صبرنا من مغثة زمانك
مدام يدك قاصره لو لك لسان = اللي مقصر يدك يقصر لسانك
بعض اللحى ماجوبها كل حقران = اليا عطيته وجه ذلّك واهانك
انسان شكل ولا انت فالفعل انسان = يعني تركد لا يغرّك كيانك
احذر غضب حليم قومٍ لها شان = ياللي تحدا سطوته من جنانك
واللي رفع سبع السما دون عمدان = ان الضمير اللي سعى فيك خانك
خلاك مثل البيت من دون بيبان = مسجون واللي ساجنك في وزانك
بتموت في سجنك من الحبس ضميان = حتى ولو حطيت جنبك توانك
لان الفرج من بينك وبينه ارهان = وانت النهايه خاسرٍ في رهانك
اشوم عن هرجٍ يجي فيه نقصان = لان اللسان ان ما حكمته ادانك
حنا تعلمنا وللعلم برهان = وانته بعقلك كانك اصغر خوانك
لكن دام ان العقل زي ماكان = روّح وتلقى من يجوّد عنانك

المشاركة الأصلية كتبت بواسطة ولد عمهوج (المشاركة 1018192) صح لسانك يا ابو صالح .. ابيات رائعة من شاعر جزل .. قصيدة لا يكتبها الا زياد الشطيطي.. اعتقد ان كل بيت يحكي قصة .. كتبت فأجدت .. صح لساانك مليون , ولا خلا ولا عدم

ولد عمهوج

صح بدنك ياسنايدي

والابداع يكمن في مرورك

دايم تحرجني باشادتك يابو منصور

تقبل خالص تقديري

المشاركة الأصلية كتبت بواسطة علي خيران العتيبي (المشاركة 1018354) يا سلام يا سلام يا زياد صح لسانك جزله و احتار شاقتبس منها كل ابياتها جميله و رائعه شكرا

على خيران

صح بدنك ياسنايدي

والابداع يكمن في مرورك

تقبل خالص تقديري