مرحبا ترحيب يانياف والدعوى بسيطه= والمجادل ياعميلي مايخلص فالدعاوي
انت مثل الموتر اللي من رداه اسمع قريطه= مايفيد ابه الشحم من كثر ماياكل بلاوي

البقا ياصاحبي ياراعي النفس العبيطة=لا تزعل صاحبك ويطيح فالدرب متساوي
المواتر تقطع الأميال وتجوب الخريطة=لا تشيل الهم وبطينه من القرصان خاوي

الجمل سمحان وحموله على الغارب شطيطه= غصب والا بالرضا يشتالها الثلب الرغاوي
صاحبي ثوبه تشقق مار مزري لايخيطه= زود ذلك عقله اختف مانفع فيه المداوي

العرب تضحك على فلتان سموه السقيطة=ينكسر ظهره وحمله سوم من سوم القهاوي
كنك تشوف المسجل يوم فكانا شريطه=لو تلفه من جديد يجيك بعلوم الجلاوي