سلام الله سلامٍ يخص الشيخ جلموود=سفير القوم في حرب و الّا في سلامي
ترا اللي يفعل الجود فاللي يجهل الجود=سواة الركعه اللي على حد المقامي

هلا يامرحبا رحب يشمل كل موجود=تراحيب الوفا تشمل الناس الكرامي
يمين اهل الكرم جودها ماهوب محدود=ولاترجي من الناس شُرْب ولاطعامي

يدوم الك البقا و انتبه و السيف محدود=على حده تبا تنكسر صم العظامي
ثمان سنين و الناس ترجي طلة العود=و بعد ما بان بانت خفافيش الظلامي

على صم الصخر سيف ابن شهران مجرود=يحسب ان الصخر يعرف السيف الحسامي
من السته وعشرين وين مدور الفود=حرامك في الحرم يخطفه واحد حرامي

ليا قابلت يا صاحبي جلمود مقروود=و لو سلمت لا ترتجي رد السلامي
لونّ القوم كلٍ بذل فالوضع مجهود=ما كان البوم عشّا مع فرخ الحمامي