المنظرالخلاب مربـاع القلـوب المستحـب=بعيون ترفات البنات اللي خواصرهن ضمـر
وأنا ماخذني غير كلمة ياهلابـك يارحـب=على شفى مزيونة ٍ تبختـرة بيـن الزهـر
قريت لي بعيونها مشاعـر ولهفـه وحـب=وأبحرة مع غموضها أبحار السفينه فالبحـر
أنا عيوني ضاميه وعيونها أضلال وسحـب=سحب ٍ تكون من مشاعر فالعيون وتنهمـر
استقبلتني عاشق ٍ ينسج لها العشق ومحب =تجمع بقايا ضيقته وتفلها فل الشعر
حتى سجع طير الحزن على عروشه وانتحب=وانهارة جسور الفرح بعيوننا جسر جسر
يوم استعدت للرحيل وجهها الطاهر شحـب=قلت الغلا مايخلفه عن واقعه حتـى السفـر
يامسافره صدري يبا يبقى لمنزالـك رحـب=تجتال ساحاته طيوفك في صبح ولا عصـر
وأنا لاشفت فلول وصلك من دياري تنسحب=ماني بشاكي دمعة ٍ تسقط ولا ضيقة صـدر
مدام يوم الحشر كلا ٍ ينحشر مع من يحـب=روحي فمان اللي خلقنا واللقا يـوم الحشـر