يالساطي اقلط والجمال امبركه باحمولها = مانته معديها مع الضلعان والدرب العسر !!
اليا قطعت الهدنه اللي مانتهى مفعولها = تبا تنكس راسك وتقفي ولا عليك امر

عان الجمال امبركه ونته تحثلق حولها= الله من كثر المعاند والمكابر والقشر
انته بعقلك يا ثبيتي والعرب بعقولها= وليا بغيت الصدق اباك الدرع وحزام الظهر

تبا تعديها الجبال بعرضها وبطوووولها = الظاهر انك ياغشيم القلب ماعندك نظر ؟
والهرجه اللي في ضميري مابغيت اقولها = عزالله انا كل عام ايمر نحفر لك قبر!!

ان كان ماعندي نظر وافكار ادن اطبولها=منهو زعيم القوم يوم الملح والدم الحمر؟
الكلمه اللي في ضميرك جابها مرسولها=كم من قبوري يبا يقبر صديقه وانقبر