يا محمد لا تسج الرجل خلف أم الكبــــــاير=من تبعها راح صافي مكسبه مع راس ماله
أنت لك عامين بين الغزو والمقــــعاد حاير=واكثر العربان لو يقعد مسوي له جماله

مشها معنا على حسب المذاهب والسواير = كل علم منك ( يالروقي رعد ) تاخذ بداله !!
مايحير الا على ماقيل عميان البصاير = والرجال اهل الوفاء والطيب تكسب كل طاله !!

سقت لك فنجال بن وهيل والفنجـــــــــال فاير=مد له يمناك ليش تمدها يم البياله
من حزامي طاح في سـد الجبل خمسة ذخاير=محتسيها للزمان اليا اعتزى كلً بخاله

زان فنجال الدلال اللي على الضيفان داير = لو بعض الناس مايقطع ضرم راسي دلاله !!
الصحيح ان الجبل كلن على نبّه يعاير = مير ياراع الرساله ويش مضمون الرساله !!

كيف ما تدري عن اللي يا صليب الراي صاير=وانت فيها متهم ما تطلع الا بالكفاله
جرتك بين المباني والمعاطن والحظـــــاير=والعرب كلً يقول انك ورى غيبة حلاله