علي يبا له قاف من قيفان وادي عبقرى=اللي ليا اوحتها صفوف الجن تلوي روسها
الليل ياعلي العضياني معي علم طرى=ترى علوم اصحابنا مايختفي مدسوسها

علي يبا يجرحك جرحٍ فيك يبطي ما برى=شاربك جاهز موسه و لحيتك جاهز موسها
هات الكلام اللي على بالك طرى و اللي جرى=يا شاعرٍ سود الليالي لقّنتك دروسها

خلك على هونك ترى الموضع بيع ومشترى= ماني بلقمه لرجال اللي تحد ضروسها
وش علمكم يا هل الونيت اللي طلعتو مع كرى=مع جرة اللي ياكل التمره وياكل سوسها

ما تخضر الأغصان لين العرق يمتصّ الثرى=يوم الديار المسنيه ما يكثرون عسوسها
ما هم جميع , اللي قعد و اللي سرح و اللي سرى=حسبي على اللي لا احتلب سمحه ,, يصرّ ديوسها

العام فالدرب اليمين وها السنه فالايسرى=لقيت لك درب يمر من الغصون ايبوسها
كم واحدن يسرق خويه لو على الزاد اخشرى=ترى مقاريد العرب لبست ثياب انجوسها

أمشي مع الدرب اليمين اللي يمرّ أمّ القرى=و ليا إعترضني عقرب و حيّه و داب أدوسها
لقيت بعض الناس في عسفان و قديد أومرى=لاخير فالديره و ريّسها و لا مريوسها

ونته تحسب ان العرب تنطح نكير ومنكرى= الناس ماتنطح نكير ومنكرى بنفوسها
لكن ابو وجهين وجهن زين ووجيه اقشرى=اليا مشت معه اليتاما يشتري بفلوسها

المشاركة الأصلية كتبت بواسطة علي فلاح العضياني (المشاركة 1014346) تصدّق ما احسن من الطاروق بدون ردود ؟؟؟؟ منسّق جاهز هههههههههههههههههههههههه