الليله المعنى سوات الشّاره اللي ما تطيح=وينك يا راع البندق اللي ما يهسّ عيارها
يا روق بكره قفّلوا بابٍ يجيكم منه ريح=بالقفل , و الشرهه تخصّ من الرجال خيارها

الشاره اللي فوق راس الضلع راعيها يصيــح=تفداك من ضرب المشوك مير دور غارها
ما تلحق الشرهات غير اللي يعبدون المسيح=واهل الوفا والطيب لا يمكن تخلي كارها

لو قلت مهما قلت و الله ما يصحّ الاّ الصحيح=ما كل لحيه لو تعذّر ينقبل معذارها
ثلث المدينه وضعهم ,, منفي و مقتول و جريح=اللي تزوّر فالوثايق كاشفين أسرارها

قوم النجف راحت مراجلها تبرك بالضريح=والمفتى اللي صدّر الفتى يشيل اوزارها
الزور والبهتان نقدح فيه بالقول الصـــريح=لين العرب تركد جنون كبارها وصغارها

عرّضت صيتك للهجاء و أفلست من شعر المديح=و أهل الوفا تعرف بطيّب صيتها و أذكارها
مفروض من هو يشتري موتر جديد من الجميح=باسمه يسجّل و الوكاله كثّر الله خارها