سلام الله بعد طول الغياب وكثرة الأشغال=سلام الحربي اللي ما يخونه هاجسه لله
يا ناصر كيف حالك وانت شاعر والدروب طوال=ومثلك من يزل الدرب يصحاله ويفطن له

اررررحب ياعبدالله والمعذره على التاخير تو انتبهت للبيتك

هلا يامرحبا ترحيبة تسوى لها رجال=تراحيب العتيبي (والعتيبي للوفاء مله)
انا طيب بخير وعافيه عايش وبحسن حال=عسى ماجاك مايزعلك من ناصر ياعبدالله

الاصعر انت حريقة المنتدى اليومين هذذ ههههههه


صح بدنك

ولاهنت على التشريف

يدوم لك البقا والليل زانت ساعة الموال=هروج البدو واجد مار حط الكيف بالدله
يغيب سهيل لو ما بالسماء يابن الحلال خيال=غبار الأرض اظنه يا طويل العمر واصله

اخذ من دلةِ تطرد عماس الراس كم فنجال=وكل اللي على بالك يامال العافيه هله
سهيل يغيب والا مايغيب العهد لايزال=يطل وطلته تغفر غيابه حي هالطله

هذا وقت الغرايب والعجايب وابشع الأهوال=احد يمدح واحد يشتم واحد يملي على الشله
وانا وانته ما فرقنا اللغا وحكاية الجهال=هذي شغلة بليس ومن على نهجه يسول له

عبدالله اعذرني على التاخير بلشت في شغلة ثانيه

ليا كثرت جمال البدو مايبلشبها الجمال=لمد المطرق اللي في يده تهج من ضله
لكم منزال في صرح الفخر والنا بعد منزال=عسى ربي يبارك فالطبيب مداوي العله