الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   محاورة بين حبيب والرياحي (http://www.otaibah.net/m/showthread.php?t=10700)

الذيب 03-Jan-2005 08:57 PM

محاورة بين حبيب والرياحي
 
فيصل

الليله المعنى على الـوزن الثقيـل = أثقل على الشاعر من جبال السراه
ماهوب كذبه في فم فلان الكـذوب = واللي عقـد روس الحبـال يحلهـا
الناس وصلوا للفضاء والمستحيل = بالعلم والتفكيـر يبنـون الحياه
على صغير العقل هبي ياهبـوب =واللي عقـد روس الحبـال يحلهـا

حبيب

مـن الثقايـل وش تحـط وش تشيـل = ومن السراه يسد فيك أدنـى حصـاه
شفتك تبا تهرب ولاحاصـل هـروب = واللـي عقـد روس الحبـال يحلهـا
يافيصل العيه عسى عمـرك طويـل = العلـم وجهـه مايلصـق فـي قفـاه
وأن كان من هرجك تضيق بك الدروب = اللـي عقـد روس الحبـال يحلهـا

فيصل

تسعين فالميه من أمـوال البخيـل = لاتدفع الفقر ولاتجـذب لـه غنـاه
لاتطبخون الماء ترى الماء مايروب = واللي عقـد روس الحبـال يحلهـا
الحجـه اللـي مايثبتهـا الدلـيـل = يقولها اللـي ذمتـه تتبـع هـواه
وإن صدقوها العالم ضعاف القلوب = اللي عقـد روس الحبـال يحلهـا

حبيب

تبـا الحقيقـه فالكثيـر وفالقلـيـل = من مد نص الكف نعطي لـه مـلاه
أدعو معي يالله عسى المخطي يتوب = واللـي عقـد روس الحبـال يحلهـا
إسمع كلامه يارشيـد أبـو جميـل = الرجل هاش وسل سيفه من خبـاه
مير أشرقي ياشمس من بعد الغروب = واللـي عقـد روس الحبـال يحلهـا

فيصل

يالله عسى وادي محسر مايسيل = وإن سال ماينبت ولحدٍ شرب ماه
العازمي ذالليل كفّارة ذنـوب = واللي عقد روس الحبـال يحلهـا
مليانه الدنيا من الخيـر الفضيـل = مايمرح حبيب قبل يلقى عشـاه
ما ياكل إلا (الرز) ويكب العصو = واللي عقد روس الحبـال يحلهـا


حبيب

أحسن شراب الهيـل ولا الجنزبيـل = ياشاعـرٍ طلـع لسانـه مـن جمـاه
دارت رحاها فوق بعض من الحبوب = واللـي عقـد روس الحبـال يحلهـا
لابله انته دايمٍ عابـر سبيـل = وتمـد كفـك ليـن تلقـى الـلـي تـبـاه
الله عطاك وجاب لك مشلح وثـوب = واللـي عقـد روس الحبـال يحلهـا

فيصل

يامسرع المنزا ل ياقرب الرحيـل = يا للي تقالبـه الليالـي وتحـداه
نبا نعلمك الشجاعـه والحـروب = واللي عقـد روس الحبـال يحلهـا
أنتـه تبيهـا كلهـا قـالٍ وقيـل = يهرج بها راع الغنم ساحب عصاه
والباخره ماعاد لك فيها ركـوب = واللي عقـد روس الحبـال يحلهـا

مروي العطاشا 04-Jan-2005 04:15 AM

مشكور ومجمّل على هالمحاورة الجزلة لشاعرين حبيب وفيصل

مرزوق حمدان العتيبي 04-Jan-2005 07:48 AM

لاهنت يالذيب
محاوره من الطراز الاول والهاي ستايل :)

الله يعطيك العافيه.

الذيب 04-Jan-2005 01:28 PM

بارك الله فيك أخوي مروي العطاشا

والف شكر لك لتفضلك بقراءة الموضوع

والتعليق عليها

الذيب 04-Jan-2005 01:28 PM

بارك الله فيك أخوي مرزوق العتيبي

والف شكر لك لتفضلك بقراءة الموضوع

والتعليق عليها


الساعة الآن »01:39 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd