لون من فارقه خله يجيه اجله=لنكان اناميت لي عدة اسنيني
من سبت الي هجرني بعد موهجله=نارن توهج على دم الشراييني
مثل توهج مصاف ابقيق ودرجله=حقلن ورا سعد حول اميه وعشريني
ناره تسارج وبيره عينها خجله=ولاهوب لواشتريه اظن مغنيني
عن مترفن كنت اجي من ديرتي لجله=وجيله اول مجي وكب الادنيني
وهوه لياجيت جاني خاطفن رجله=ويقول ليتك كثر مغليك تغليني
مايدري اني بغيت العام احججله=شيخن من الي يئمون المصليني
من كثر مغليه جعل الله يفرجله=ابيه يرتاح ف دنيا وفديني
المترف الي حنايا الجوف مدهجله=لايحسبني نسيته كان ناسيني
لاولذي كون الكون ونهر دجله=ماغيرتني سنين العسر واليني
على وليفن ليا طروه ترهجله=كل المشاعر وعنه البعد حاديني
وكملي ونا اقول ابنهجله ولانهجله=الجادل الي يكفيني ويكفيني
الياتذكرة مبسمه وهدب نجله=ذكرتلي قصتن في عام تسعيني
ذكرت يومني اسكر قفل حجله=على ذراعه بيسرايه وبيميني
في موقعن لايهرجني ولاهرجله=خوف من الناس توحيها وتوحيني
ومقالت الى تراء جيتك ونا عجله=وحطة يديها من الهفه على يديني
وراحت من الود منداشه ومندجله=مغار سنتها لاطيح ياعيني
ونا من الشوق قلبي قام ينتجله= فرايدن ماقنوها اهل الملاييني

المشاركة الأصلية كتبت بواسطة منصورالزبيلي (المشاركة 1010555) مشكوار وصح لسانك

المشاركة الأصلية كتبت بواسطة ابن صنهوت (المشاركة 1010556) اه يالفليت ... صح لسانك واعتلا شانك

المشاركة الأصلية كتبت بواسطة الدجيماء (المشاركة 1010567) ونـا مـن الشـوق قلبـي قــام ينتجـلـه ** فـرايـدن ماقـنـوهـا اهـــل الملايـيـنـي أنا أشهد أنهم ماقنوها .. صح لسانك وبيض الله وجهك .. اسمح لي اعبر عن اعجابي بقلمك .. لاهنت ولاتحرمنا جديدكـ .. في انتظاااره .. Wite ..!!

المشاركة الأصلية كتبت بواسطة فايز الدلبحي (المشاركة 1011431) الفليت شاعر في قمة الابداع صح السانك واعتلا شانك على هذه الرائعه