سلام تسليمة الاسلام والاسلام نهج السلام=تسليمة المسلمين اللي جميع الناس ترضابها
ياهاجسي هات ماعندك مدام النور يجلا الظلام=الملعبه لا احتما الميقاف كل ٍ يحسب احسابها

المشاركة الأصلية كتبت بواسطة حاكم الغنامي (المشاركة 1010114) طيب طيب صح لسانكــ يابن الجزيره وننتظر من يجاريكـ

يامرحبا بالعميل الي علومه كلبوها تمام = في ليلة ٍ طيبة في منتدى الهيلا تغنٌابها
الملعبه ياطويل العمر تبغى منك مس الحزام = دون الحما قوم ياذيب الغداري تفتل اشنابها

دام البقا يالمرحب وان مشينا حسب سير النظام=عطني علومك واهل مكه تراها تعرف شعابها
الطير يافارس ليا صف جنحانه وحلـّـق وحام=يبا يحلـّـق معا اطيور(ن) عشاها راس مخلابها

اعلومنا طيٌبه وانته بعد طيٌب وصاحب مقام = والي يعرف العلوم الطيبه مايجهل اسبابها
عزالله ان الزمن ماعاد يقبل كارهين الحرام = يوم الذياب انزلت جتك الحصاني فوق مرقابها

حنا سمعنا من اهل الدين واهل العلم بعض الكلام=الجهل يهدم بيوت العز وإلا العلم يرقابها
ماهمه المسلم المومن ليا صلّى لربه وصام=يوم الاوادم سترها اللــه يارجال بثيابها

هذاك وقت الرجال الي يدقون الحجر والعظام = اليوم ماعاد نعرف صادق الهرجه وكذابها
كلن يقول الوفا عندي وعند الناس كفر وظلام = والناس في كل ليله ماتنام إلا على اعصابها