سلام ياشعار والدعوه سهاله للجميع= مافيه داعي للهرب والنار من شبابها
ترى اللكاعه ماتبا تمشي على الرجل اللكيع= افطن لعلم ابو شنب والنار من شبابها

يامرحبا ترحيبتن من عقبها حذرى تضيع = افطن لرجلك والعرب والنار من شبابها
خل اللكاعه واللكاعه سلم للرجل الوضيع = الزبد من نوع القرب والنار من شبابها

دام البقا ياالشاعر اللي جا على العلم الرفيع= حضر وجاوب فالطلب والنار من شبابها
يالشاعر اللي جيتنا وان كان لك ساقن متيع= النار زدناها حطب والنار من شبابها

جيتك وانا رجواي للمعبود والرب السميع = الي خلق حنضل عنب والنار من شبابها
ان كان تبغاها على الذرعان يالرجل الذريع = القاز يخرج لك ذهب والنار من شبابها

السبت يقفاه الاحد والصيف من بعد الربيع= لاينكفي قش الصلب والنار من شبابها
حلاوة المصاص تسكت نهمة الورع الرضيع= وانا يميني فالشبب والنار من شبابها

استاذنك الوقت لايسعفني

تقبل تحياتي

لاصرت ماتقدر على الاسواق لاتشري تبيع = احفيت رجلك بالجرب والنار من شبابها
المعرفه سيف(ن) مع العراف يالوجه الوسيع = اشتر علب تونه علب والنار من شبابها

اللطمه اللي فوق خدك من يمين ابن الشجيع= ابليس اكلها ويعقب والنار من شبابها
واعزتي للي رقد عنها وسبعها السبيع= لين اختلط فيه النسب والنار من شبابها