من صميم الشاعر اللي ينعرف وقت اللزوم = ياسلامي ياعتيبه يامزربة الديار
عادة القناص يغزي للقنص قبل الهجوم = وان عدى في العيس مايختار منها الا كبار

من صميم الشاعر اللي عن بني عمّه يقوم= مرحبابك يالمسلم بالمساء ولا النهار
من غزا يغزي ولكن قو حظه مايدوم = يمكن انه يبتلش والغزو يرجع له دمار

شدّ حيلك وارفع الرايه وطرفك لاينوم = والبقا فالك .. وحذرى لاتحيد اعن المسار
الذي حاسب حساب الآرض من قبل النجوم = خير ماللي يحسب احساب النجوم اعلى القفار

راسي ٍ مثل الجبل وابغى المفيد من العلوم = ان بغيت اتجيبها .. تفصيل ولا بااختصار
الفصيح اليا تكلم كل ماقال معلوم = والغشيم الى تكلم مال هرجته اعتبار

ربنا يرزقك يامرزوق والدنيا قسوم = مثلما تبغي تجدها .. طايله والا قصار
بعضنا من شين حظّه سمسمت فيه الهموم = نوب يلقاها انهزام ونوب يلقاها انتصار