قل لاكحل العين تكفا يا ابـو نـوره = من بادي الوقت وهذا طبـع الايامـي
الوقـت جبـار والأحيـاء مجبـوره = أقفت وهي ضاميه وأقفيت انا ضامي
الوصل مرفوع والحيـلات مجـروره = والبعد مجـزوم والتوديـع الزامـي
كني وكنهـا بليلـن وجههـا نـوره = داخل أميه يـوادع غوطـة الشامـي
كنها وكنـي بليلـن دمعهـا جـوره = كلمة خلافه توادع منصـب اسلامـي
أنثى تثنـى مـن الأثنـاء مغـروره = الخصر صوام والمردوف ماصامـي
مجمع بني نوح جا في وجه سنيـوره = في خدها سامي وفي طرفهـا حامـي
لاقالت ابصم على حبـي ودستـوره = أبصم وتقرا اسمها في بصمة ابهامـي
وان قالت أكتب قصيدن فيه لي صوره = أكتب علـى بابهـا والنـاس نيامـي
يا غايتن من ورى ذا الباب مستـوره = في بيتنا مرمي وفـي بيتكـم رامـي

تحياتي .. :)

وان قالت أكتب قصيدن فيه لي صوره ** أكــتــب عــلــى بـابـهــا والــنــاس نـيـامــي

يـا غايتـن مـن ورى ذا البـاب مستـوره ** فـــي بيـتـنـا مـرمــي وفـــي بيـتـكـم رامـــي

--------------------------------------------------------------------------------------

الله الله الله الله الله ..

أقسم بالله بيتين اعجبتني بقوة .. وكل مازدت التأمل يزيد الابهار ..

صح لسان الشاعر اليامي .. كفو والله ..!!

------------------------------------------------------------------

ومشكووور أخوي رايد الوهيبي .. مبدع ولاتأتي غير بالابداااع ..

لاهنت ولاتحرمناا جديدكـ .. الله لايحرمناااكـ ..!!!