يا الله يلىكل مخلوق يرجيك((الشاعر منديل ابن فهيد الأسعدى
 

u]يالله يااللي كـل مخلـوق يرجيـك
سامـع دبيـب النمـل بالخرمسيـه
ارحم ضعيف في دجى الليل يدعيك
كثـرة ذنوبـه واحتـرى للمنـيـه
والىا دنـت ماعـاد منهـا تفاليـت
ثـم اللحـد والضيـق ومحاسيـبـه
لافـرق بيـن ملوكهـا والمماليـك
بالآخـرة غيـر العمـل بالسـويـه
ياالعبـد كـان الله تقبـل حسانيـك
تسعـد ومنزالـك جنـان عـذيـه
بـادر بتوبـة دام باقـي ليالـيـك
واقلع عن السيـات باخـلاص نيـه
الاولـه بـرّق بنفسـك وخافـيـك
واعمـل بخيـر دام نفسـك عفيـه
وبرق باهل بيتك ضنـاك وعوانيـك
حيثك لهم راعي وهـم لـك رعيـه
جاهد ضناك وقل عسى الرب يهديك
لا رضا الولي حده على المكرهيـه
بالك تهـاون فيـه خـوف يخليـك
يعوضك المعبـود جـزل العطيـه
الرزق مضمون من الـرب ياتيـك
مـا يمنعونـه عنـك كـل البريـه
لاتشمـت المبلـي تعظـم بلاويـك
انصـح بسـر وعدهـا لـه هديـه
وان شفت عيب الناس فاذكر لماضيك
قـل: يالولـي استـر عليـه عليـه
وبـك مـع الوالـد تبـرك تواليـك
بعطف عليه بوصل مـع مرحميـه
والى لزمت الصبر والحلـم يرقيـك
لهن شروط كبـار مـا هـن خفيـه
والسانك المملـوك يملـك ويهفيـك
والى نطـق عثـرات فعلـه قويـه
ياما رمى مـن غافـل بالشرابيـك
وياما دهى الخفـرات لوهـي بريـه




أبيات تحمل نصائح ثمينة قالها الشاعر الكبير :

منديل بن محمد بن منديل آل فهيد الأسعدي (( رحمه الله ))

الأبيات لم تتنتهي بعد ولكن لم يذكر منها إلا القليل .

نقلته لكم من سلسة ( آدابنا الشعبية في الجزيرة العربية) الجزء الثالث .[/u][/i][/b][/b]

الاخ الروقي

بيظالله وجهك على نقل هذه القصيد لنا

تقبل تحياتي

الله يرحمه ويغفر له شاعر علم ..


لاهنت يالغالي ماقصرت ..

اشكر الجميع علي المرور

صح السانك وبيض الله وجهك