لاوالله ألا قفت الريح بالطير=أقفت على زيزوم كل الكتيبه
القادر النادر زبون المخاسير=العازم الجازم بقوه وهيبه
قايد وسايد له مكانه وتقدير=حيد وجويد وفالمصايب مصيبه
عزام جزام براسه سعاطير=ساسه وراسه تفتخربه عتيبه
غازي وغازي مايوصف على الغير=تشهد له العربان من زود طيبه
مزبان من يشكي ضروف وعواثير=ومزبان من شاف القهر والغليبه
يابو مساعد جعل دربك تياسير=وعساك تسلم من زمانك وغيبه
أبلتمس يامير منك المعاذير=وانت الذي كسب الثنا من نصيبه