عاملي قلب(ن) يحبك باهتمام=قلبي اللي تسكنينه من قديم
بادليني فالهوى زود احترام=وعوّدي قلبك على الدرب السليم
وامنحيني حب وأشواق وغرام=وكوني ألطف من هباهيب النسيم
القساوه عادة قلوب اللئام=والليونة عادة القلب الرحيم
الجفا يا فتنتي والله حرام=في حبيبك لا تطيعين الرجيم
الجفا نار(ن) لها فيّ اضطرام=تنتشر فيني كما نار الهشيم
ارحميني ورجعيني للمنام=وارحمي قلب(ن) بلوعاته مقيم
ارحمي قلب السليس المستهام=واتقي عند الغضب شر الحليم
قبل أبوسك من تحت ذاك اللثام=لين أداوي فيك خفاق(ن) عديم
وأحضنك يا غايتي وسط الظلام=يا أعز الناس يا أغلى نديم
لا سؤال ولا جواب ولا كلام=ناظريني دون سين ودون جيم
أشعريني في عيونك باهتمام=ذابحتني فاتنتني من قديم