مرحبا عد البروق اللي تكاشح في الغيومي = وستهلت بذن ربي ومطرت منا ومنا
وعد ماجر العوى سرحان في روس الرجومي = وعد ماراحن سباق الخيل بالبارق وجنا
وعد ماصاح النذير وعد زرقات السهومي = وعد مادنت طبول الحرب والبارود دنا
وعد ما فالأرض نبت وعد ماتبد النجومي = وعد مافوق الثرى من مسلمين إنسٍ وجنا
بالقروم اللي لفوا عانين في حفل القرومي = والضعيف قبح الله لحيته ماهوب منا
ماحسبناله مقام وجعل حظه مايقومي = أدغمن لاجيت منا بالسوالف جاك منا
فوق كاسرت العمود وشط حاشيٍ ردومي = قدمهنَه مرحبا والكيف أله هيلٍ وبنا
عند أبوسعيد كبير القوم لاجات العلومي = عودنا اللي قادنا للطيب طيبه ومتثنا
طول الله في لياله والعوافي ماتدومي = وارثين الطيب منه وعارفين الموت سنا
والرجال ألهم لزوم وحفل خالي من لزومي = ماشحنا بعد مشواره وغيره ماشحنا
ليلةٍ تجمع هل الطاله قويين العزومي = يستهاظ أبها القصيد وكل قيفانه تغنا
فرحةٍ ماهيب فرحة هيف في جمع الرقومي = يوم ذوده روحن وذود غيره نوخنا
ولاهيب أبفرحت ولد سلطان حماي الجهومي = يوم فاز بنخبة النخبه وحقق ماتمنا
قسمنا من خلقت الدنيا من خيار القسومي = والوفى من طبع أهلنا والوطن هذا وطنا
ماظرانا بالرخامه والرخامه للرخومي = لاطعنا مانشدنا ويش يلحق لاطعنا
نردع العيال ونوصلت ليا فرك الخشومي = نعتزي بالاد روق وكل ماقلنا فعنا
يوم كل الناس عاشوا بين معطى ومحرومي = كسبنا بيمانا نجد العذيه ثم حنا
كلبونا عزوة الهيلا هل القب القحومي = والحسام المنجرد والشلف والرمح المطنا

مرحبا ياشوق الصعيبه


... صح بدنك ... والإبداع ... مرورك الكريم


لك مني كل التقدير والإحترام

لاهنت ياخو جوزا على إطلاعك


تحياااتي