سلآم الله على اللي يبذل المجهود في دنياه = يباله حاجة ٍ ما هي قليله واسر يا ساري
عسى اللي لك سنه تبحث عنَه يا صاحبي تلقاه =وتصبح من مشاهير القبيله واسر يا ساري

هلا يامرحبا وهلين والطاروق في مبداه=لكن يبغا رجل قلبه دليله ,, وسر ياساري
انا ابحث عنك والليله يجيلك ليل ماتنساه=اخذ قولي ياخيال الاصيله ,, وسر ياساري

يدوم الك البقآ والوضع حامي فاوله واتلآه = عسى لك لآخر الطاروق حيله واسر يا ساري
الاصعر لوّ يسل السيف ولاّ لوّ معه شلفاه = ترى ماهو مسوٍ مستحيله واسر يا ساري

بلشت بعيّة (ن) مايفهم وغادي على عمياه=انا ماشفت فالدنيا مثيله وسر ياساري
لا لاني خايف من الله ذبحته مثل ذبح الشاه=ماهمي ذبحته باهون وسيله وسر ياساري

عسى ربي يعين الصاحب الاصعر على بلواه = من الليله ترى نفسه عليله واسر يا ساري
ولوّ اني من ا بو زيد سجيته على علباه = عسى ربي من الموقع يزيله واسر يا ساري

عسى الحظ الكبير مقرّد العربان ماتبلاه=ياقشر اللي سرى ينضح صميله وسر ياساري
لا تنشد جاه علم(ن) من حياته هقوتي ماجاه=وراح ايسحّب اذيال الفشيله وسر ياساري