بسم الله الرحمن الرحيم


السلام عليكم ورحمة الله وبركاته


ها أنا اضع بين يديكم قصيده لي وأتمنى أن تحوز على رضاكم

ياليتني بالحد فالجيش السعودي = ارمي على الحوثي وأضيق له دروبه
دام الوطن منا ترانا له جنودي = نحمي وطنا من شماله مع جنوبه
نارد حياض الموت ما فينا شرودي = يشهد لنا الميدان لا من ولعوا به
الدين واضح والعمى لعين الحسودي = ميدان حامي والعدو شبت شبوبه
ابشر وطنا في رجالن لك تذودي = الله يجازي من وراهم بالمثوبه
خالد ولد سلطان رابط فالحدودي = إنزاح من هو فالجنوب بلا صعوبه
دارت رحى الحرب وتناقض فالعهودي = هاذي سواة اللي ضعيفن في حروبه
والله أمر بالنصر والعالم شهودي = دام الوطن عاش الملك صقر العروبه

الشاعر / عبدالله العضياني

المشاركة الأصلية كتبت بواسطة فهد الروقي (المشاركة 1003774) صح لسانك اخوي عبدالله العضياني والله ينصر الجيش ويدحر اعداء الدين والمله ...

المشاركة الأصلية كتبت بواسطة عبدالرحمن العقيلي (المشاركة 1004160) واااااااااااضح ان مافيك حيله ياعبدالله من هالحين تقبل مروري اخوك