طبيب يوجد للمولع علاجي=الجرح ما يبرى بليا علاجه
لي صاحبن مالي لغيره مزاجي=صعبن على القلب المولع مزاجه
أليا نظرني ثم لان الحجاجي=يرسل سهوم الموت ضلة حجاجه
ما سرحوه البدو عند النعاجي=و لا نزل لسوق كثرَ مداجه
شربه قراح و شرب غيره هماجي=حبه شرف ماهوب حب السماجه
عليه قلبي بين الاضلاع عاجي=سوات صيخن عند بيطار عاجه
و عليه قلبي بين الآضلاع لاجي=لجة ضلوع الذيب عند انزعاجه
و عليه قلبي بين الآضلاع ماجي=سوات موجن داخل البحر ماجه
ارج الذي ماني لغيره براجي=ربن خلق بشره سريع انفراجه
يرد لي من صار عرفه مفاجي=له مسكنن بين الضماير و فاجه

مع تحيات
الجزل

المشاركة الأصلية كتبت بواسطة محمد العتيبي (المشاركة 1023143) صح لسانه قصيده رائعه .. ولاهنت يالغالي ..

المشاركة الأصلية كتبت بواسطة يوسف العازمي (المشاركة 1015823) صح لسان الشاعر : منيف لفيان العازمي العتيبي ومشكوور يا الجزل اسم على مسما دمتم بوود