بسم الله الرحمن الرحيم
(فرحة اعدائي)

نكبة الاسهم

حي الجواب اللي ضحك له حجاحي = شفته وبانت فرحته في محياي
قافٍ لويلات المتاعب علاجي = من شاعٍر يعرف سبب داي ودواي
ياسعود في غيبتك غاب ابتهاجي = واصبحت اسيرٍٍ بين ناري ومركاي
جزت السياج وصارغيره سياجي= واتسكرت في وجهي ابواب دنياي
ماقلت لاحدٍ لوعتي واحتياجي= الا انت لانك تبخص اقصاي وادناي
قصرت رجلي لايبين ادواجي = اخشى كلام الناس لاكثر ممشاي
واللي رفع ضغطي وعكر مزاجي= ان البلا ياسعود من فعل يمناي
انا ابتليت بسد ماله خراجي= و(اسواق الاسهم) ساس همي وبلواي
دنياي تسئلني بكل احتجاجي= وين الطريق اللي تبي؟قلت مخباي
ماينحني لرضاك غير الدجاجي= والا انا تبطين ماجبتي اقصاي
ماجيت ادور في كهوفك ملاجي= اليا بغيت اشكي على الله مشكاي
اليا صفا لي ماك كنه هماجي= وانا عطيتك كل ماتملك ايداي
حتى شقا عمري وجوهر نتاجي= بعته على شان اشتري(فرحة اعداي)
وانا الى ربي بشكواي لاجي= ارفع يديني وارفع الصوت بدعاي
لابد بعد الضيق يات انفراجي= والله سبحانه هو اعلم بدعواي
واللي كتب ربي على الراس تاجي= يمكن بها ربي يكفر خطاياي
ياسعود انا عارفك مرح وهجاجي= اخوي ماعدك من حساب خوياي
لاجاك قافي لايجيك انزعاجي= فل الحجاج ولا تاثر بمعناي
خلك على خبري طليق الحجاجي= واعلم ترا فرحتك هي غاية رضاي

بقلم الشاعر/عبدالرحمن العقيلي

المشاركة الأصلية كتبت بواسطة ولد عمهوج (المشاركة 1001442) انـا ابتليـت بسـد مالـه خراجـي ***و(اسواق الاسهم) ساس همي وبلواي هلاااا وغلاااا ومرحباااا ياعبدالرحمن قصيده رائعه بروعة حضورك سلم فكرك وبوحك ننتظر القادم فلا تبخل علينا الف شكر لك تحياتي لك

المشاركة الأصلية كتبت بواسطة راع الزلفي (المشاركة 1001462) صح لسانك على القصيدة في نكبة الجميع وفقك الله

المشاركة الأصلية كتبت بواسطة أبو فيصل الدلبحي (المشاركة 1001469) صح لسانك يابعدي والله يعجل العوض