سلام الله سلام يشتعل ينصى ولد غنام=وهذا سلم نبدابه على اللي ماجهل فيها
الا يحاكم احذر يابن عمي تدعس الالغام=مصيبه والمصيبه فوق راسك لاتضويها

هلا يامرحبا ترحيب بكنوز الذهب ينسام =سلوم الطيب يالقرم العطاوي مانخليها
انا يوم اتجه للشرق ماعاين بغرب وشام =نشغل للدروب البوصله قدام نمشيها

يدوم الك البقا يالشاعر اللي فزت بالارقام=وهذا فعل الرجال اللي عزيزات مبانيها
انا خابرك تمشي مير لاتقبع على الصدام=تجيك العله اللي مالقت منهو يداويها

عسى حظك يقوم اليوم ماهو مثل حظ العام =حظوظ العام يامشعل لاعاد اوحيك تطريها
قبل ماتدخل الساحه وتلعب لعب فالاعلام =تسمع في مهنا والبيوت اللي يغينيها

انا الشاعر وانا اللي ياولد غنام فالمقدام=وحظوظي عند وجه ولا غيره يسويها
الي نيه والي مقصد وانا اقوللك ماتلام=ليا شفت العطاوي يحتميها لين ينهيها