الهيـــــــــــــلا *** منتدى قبيلة عتيبة - صاحبي جارك الله ويش هالصـده

حيّا الله اللي يغيب ويسـرع الـرده
اللي يجينـي اليـا منـه تباطانـي
قلبي يـوده و حالـي كنهـا القـده
ودي بشوفه ودونـه حـوم عقبانـي
يا صاحبي جارك الله ويش هالصـده
مهـوب حـق تولعنـي و تنسانـي
ان كان عندك حكى بي خامل السـده
فانت المصدق وانا حقي وما جانـي
اهرج على ما تورى والبخـت بـده
لا تستحـي يابعـد حيـي وحيانـي
ترى حلاة الهوى لا طالـت المـده
مهوب يوم صديـق ويـوم قومانـي
وان كان ما انت مصافيني على الشده
وقت الرخى واجد ربعـي وخلانـي