الا يالله ياللي مطلع في كل الأحوال=يارب الناس زيل الباس عن ناس هنيه
ابن سرحان بنقل خدمته لأرشيف الأحوال=لعله يلتقي شعار بثبات الهويه

صح بدنك ولا هنت شرفني حضورك

صح بدنك ولا هنت ومن حضر بالماقف سد على ماقيل الطارف سداد




لكم تحيتي

الا ياالنجم وشب الدلو قامت تضرب الجال= عسى مامن خلاف وياعسى مامن رزيه
الاد ثبيت فالميقاف تكعم كل عيال= وابن سرحان وافي من رجال المقدريه

هلابك ياسعد والسوق ما يزحمه جمال=علام الناس ما تحسب حساب المنقديه
أنا ماقول فيك خلاف شيخ ومكرم سبال=لكن العلم فيه علوم والنيه مطيه

ترى للظرف حكم ولاتصدق كل من قال= علامك يالنجم سليت حد النافعيه
وانا ماقول فيك قصور توفي كل مكيال= لكن احذر قبل تارد لحيضان المنيه

تتبعت الطروق وشفت في منطوقك أهوال=تهد الجدر وتغني طروق(ن) سامريه
ترى عين الشمس ما تندرق في سد غربال=بغيت تعالج العلة وزودت البليه

تتبعت الطروق وجاك ياذيبان ولوال= وصار الهم في صدرك مثل مقلع طميه
ابن سرحان مايعطي جنيهه راعي ريال= ومن يارد على العد طش الزمزميه

ترى بعض التصرف ياسعد تصرف أطفال=يبا هذي يبا هذيك وتضيع الرعيه
أنا ماني بشاره فوق بن سرحان لوشال=ترى ماني بحاجة عملته لوهي هديه