يامعجب اسلم وسلم وانطح القاف = واخذ القلم واترك السيف ونصابه
العام ياذيب تبدي فوق مشراف = واليوم مالك قنيب مع الذيابه

يامرحبا والطريق الزين ينشاف=ياشاعرٍ بالنصايح فك بابه
العام سوق الغلا واليوم ينعاف=من يوم ماصارت الدعوا نهابه

دام البقى وانت راعي حق وانصاف = منحاز للحق ماهو للقرابه
بعض الاسامي عطوها زين الاوصاف = ولآ هو من التابعين ولا الصحابه

الدين حقه يقدم قبل الاعراف=واجب يطبق ولا فيها غرابه
الحق يعطا لراع الحق ويضاف=للي يبا الحق تقدير ومهابه