هلا يامرحبا بالي يحاول يلفت الانظار = وحنا خابرين الي يودي العلم ويجيبه
تحزم واحتزم مادام لك قدره على الشعار = ترا ماكل طير ٍ حام جرٌاحه مخاليبه

يدوم الك البقا يالشاعر الي فالنقا ينسار=ترا ضيف الشرف معروف في حكمة معازيبه
حزامي ما يضامي وابشر ابشر بالسيوف ابتار=وعلى وقت الشدايد يا ولد ما خاب ظنيبه

عليك الله وامان الله مدامك ضيفنا والجار = انا مخطي على ضيفي ولو كثرت عذاريبه
رصيدك كم ماودي عليكم نرفع الاسعار = هذا سوق الغلا ماكل تاجر ممتلي جيبه

ترا نور القمر ياصحابنا ما يطفي الانوار=وكل رجلن يسوي في حياته من تجاريبه
معي مخزن من الفضه معي صقرن ليا من طار=يبا يكسر جناح الطير ويضيع مضاريبه