المعزه ( عبدالمحسن الصياح )
 

السلام عليكم ورحمة الله وبركاته

صبحكم ومساكم الله بالايمان والطاعه

اضع بين اياديكم هذي المتواضعه كعربون محبه عل وعسى ان تنال على استحسانكم ورضاكم ويعلم الله اني خصيت هالمنتدى عن غيره بهذي القصيده
القصيده كتبتها في ولد عمي محمد بن عويض العصيمي وإلى كل طيب شرواكم

ياناشدن عني ترى الضيق ممتاز .. يحرك الفكر العقيم ويلزه
اروع مدينه فالمدن شفتها براز ... واعظم مدينه دقها الضيم غزه

صلو على النبي


لك واهجن فالقلب ثابت وهزاز
اللي عظيم الشوق يمك يهزه

انتا مكانك بين( فايز ) وفوااااااز
ياللي تخاشرهم حقوق المعزه

احتاجلك لاصرت ضايق ومعتاز
ولاحتجتني ماجود في كل حزه

حيثك من رجال كريمين وعزاز
اللي لهم في ماقف الضيق فزه

الطيب لك من دون الاجواد منحااز
ياقف فصف اللي علومه ترزه

لك صورتن يفخر بها كل برواز
يومه صور ولد الردى مشمئزه

والله ما بدلك يا طيري البااز
يكفيني إنك حر عن كل وزه

لايستفزك كل هماز لمااااز
ياللي سكوتك يا الكفو مستفزه

منتا منلي يخسر الناس لافاز
ولاني منلي يدفنون المعزه

هذي قصيده دون ترميز والغاز
كتبتها للي طموحي يخزه


وسلامتكم

فايز وفواز اخواني الكبار

واعذروني عن الاغلاط الاملائيه



اخوكم عبد المحسن الصياح

صح لسااااانك..

والله يخليك ويخلي اخوانك لك..


ماشاءالله ابيات حلوه يا يبو عبدالله..

بيض الله وجهك

صح بدنك والله لا يهينك لا خلا ولا عدم وابشر بالجديد يا السنافي

صح بدنك تبقى ذخر يالنفيعي

:)وتراك خال عيالي

لاهنت

صحح بدنك
ومرور شرواك وسام على صدري اتشرفبه

وجهك ابيض لاهنت