الحب لا منه تعدى عن الحد = عز الله إنه يوردك للمهالك
تسير في بحره مع الجزر والمد = ومن سبته يضيع حالك ومالك
في أبدايته لهفة وتلقاك منشدّ = خص(ن) ليا من الزمان استوالك
ما تستطيع البعد عنه ولا الصدّ = و لو كثروا الأحباب محد(ن) بدالك
والوقت متقلب ولا نضمن الغد = لا تنخدع وتقول زايد جمالك
بسمة غلا تفاحة(ن) من على الخد = والرمش ذائب صعب نلقى مثالك
حبه تمكن بالضمائر وممتدّ = حتى بحلم الليل مرّك و جاء لك
لو كان في مجلس أبه خال(ن) وجد = جالس مع الصدقان كأنك لحالك
بعده عناء والقرب فرحة بلآ حد = نجوم تسقط لا تباين هلالك
الحب لا منه تعدى عن الحد = عز الله إنه يوردك للمهالك