يا الدجيماء بعد حطوك سايق للقطار=و انت سايق فذ ما عندك ايّة مشكله
خطك اللي خط لك لا يمين و لا يسار=وش تسوي كان خرْبت عليك الفرمله

القطار اللي يقلّ الفهيم المستشار = ماربح سواقه امن التعب نص اهلله
انت تدري عن رفيقك ليا عزّم وسار = يفحص الموتر وكاله عشان يجمّله

البلا بالليل و الليل تابع للنهار=و اليدين امن الشقا فالحياه مكبّله
الخطوط الله يعافيك تشكي الانكسار=و انت كانك ترفض الذنب غيرك يقبله

البلا فالوقت والوقت طيّب لين جار = يمدح الخيّب وصيت المطوع يقتله
الله اكبر كيف يابن الحلال العلم صار = الطريق امسى سليم اخره لين اوله