علّم خوي الجنب لا يرخص السوم = دامه نزل في سوق بايع وشاري
لو قالوا العربان ما هو بملزوم = حتي يجيه العلم خص(ن) نحاري
والناس عاشت بين عادات وسلوم= ولطيب عند الناس عرف ومواري
وكم من سوالف تنتهي كنها حلوم = منكورة واللي رواها نكاري
فالصدر تأخر للفتى ضيق وهموم = تهيض لا هبت هبوب الذواري
واليا احتزمت أوصيك في كل شغموم = اللي معه سيف(ن) صقيل وشباري
والخبل لا يشغلك فالوقت محروم = في ربع ساعة جاه خمسة طواري
والا الكرم والجود فالمحترم توم = عد(ن) لمن يارد بصبح وعصاري
وكم واحد(ن) تكسب منه فعل وعلوم = على علوم الطيب والعرف ضاري
يسر قلبك كل فارس من القوم = يحي يموت ولا لبس له عواري

المشاركة الأصلية كتبت بواسطة ولد النير (المشاركة 995796) صح لسانك يابو رحيم شاعر جزل ولافيك حيله قصيده رااائعه

المشاركة الأصلية كتبت بواسطة ع ـظيم الشوق (المشاركة 995888) صح لــسآنك

المشاركة الأصلية كتبت بواسطة محمد الحميدي (المشاركة 1002160) فهد النفيعي صح لسانك ولاهنت