ياطير يااللي جيت عاني ومرسول = واخذت لك في نجد صولة وجولة
حييت ياطرٍ بك الشوق منقول = من الرفيق اللي يكفي قبولة
يامرحبا ترحيب وافي ومدبول = برسالةٍ فوق الحناح محمولة
عنوانها قلبٍ من الحب معلول = والنفس عن شيٍ تبية معدولة
يابو محمد صار لي كم من حول = وانا طريق العشق ماني بحولة
ومن يوم جاء طيرك طرالي على طول = مفتاح بابٍ مغلقاتٍ قفولة
ذكرتني شيٍ وانا عنة مشغول = وخليت فكري يندرج في ذهولة
يادوسري تشكي من الحب وتقول = كن العيون عن المنام معزولة
ومشاكلي منتجمعة كبر ابا الهول = ولاوالله القاء حلها باالسهولة
بعطيك انا رايٍ مناسب ومعقول = ومالك بكثر الشرح عرضة وطولة
الصبر قرضة ملح والهرج بوصول = وقولٍ بليا معرفة ويش هو لة
لاتقصر الخطوة ولاتكثر الضول = ولايسمع الهراج شيٍ يقولة
اقدم ولاتخبر بماتفعل الزول = مهما حصل خل الذلول معقولة
وانا معك باالحال جاهز ومسوؤل = عن خطةٍ في هاالمجال معمولة
اما نجيب اللول من مصدر اللول = والا نعود واليدين مغسولة