انا ما ذبحني غير كثر الهواجيس = اللي تجيني كل ليله بطيفه
راع العيون الفاتنات النواعيس = اللي ممشيني على كيف كيفه
ان هب من يمه عليه نسانيس = مثل البرد من عقب ريح ن عصيفه
واونس بصدري نشوة ن والاحاسيس = تحن له حن الوليف لوليفه
يا ويل حالي منه جتني وساويس = يا وين ابى القى فالعذارى وصيفه
ويا حمس قلبي منه حمس المحاميس = يا ليتها بيني وبينه نصيفه
والا ان داره مني اقرب من (العيس) = (لوس انجلس) يا بعدها من (اللقيفه)
يا شاغل ن بالي فدوك الهداريس = ارفق ترى عيني لشوفك شفيفه
ما غيرك اللي ونس القلب تونيس = وعن غيرك من الغيد عيني كفيفه