السلام عليكم و رحمة الله و بركاته

هذي القصيدة لــ شاعر / منيف لفيان زايد العتيبي

في سمو الأمير / مساعد الأحمد رحمه الله و اسكنه فسيح جناته

علماَ ان سموه رحمه الله , له فضل لا ينسى على ذوي نهار من قبيلة العوازم ,,

ســلام يـا مـيـر الكـرم و الـجــمايل=يــامــيـر شــيــال الحمــول الكبيـــره
مــن الراس مــا يحتــاج رد الرسايــل=يــاميــر أنــا عنــدي علـوم كثــيره
أرجــوك ســاعدنــي بــكل الوســايــل=أنتم أهل المعروف فــي كل ديــره
الطيـــب يذكــر و المناشـــي مخايـــل=أنـتم خــوال إعيال صـقر الجزيره
زبــن الدخــيل اللـي مـن الــهم مايــل=مســاعـد الأحمـد عسى الله يجيره
تشــهد علــى فعلــه جميــع القبـــايــل=يقـوم بالواجــب بعــقل و بصــيره
رجــال المناصــب كاسبيــن الفعايـــل=مســاعـــديــن إملـوكنــا بالمسيــره
مــاهــي غريبه مــن رجال الحمايل=رجال المواقف محتمـين المـغيــره
يعطون مـن جاهـم مــن الناس سايـل=عطيــة تمــلى الــيديـــن الفقـــــيره
فــي رايــكم يــاميـر و الشــك زايــل=حنــا معــك يامير ربـع و عشــيره
كـــل السـدارى و الأسـامـــي دلايــل=أهل المناصب و السيوف الشطيره
يـوم الحديـدى فـي ظهور الاصايــل=دون الوطن و أهله جموعن غفيره
وقــفـت مــعنـا بــالسـنيـن الأوايــــل=ووقفـت معنــا فــي أمور خطــيره
تشــهد لـك عتيبه بطـيــب الفعــايــل=فعلك رفع راس العتيبــي و غــيره
لـي مطلبن عنـدك يـا قـاس البلايــل=عندك ما يسوي كبر حبت شعـيره
ذكرت مــن هــو للمواجـيـب طـايـل=الله يحـفظ أهــل الوجيه السفــيره
الوضـع شفته فـوق جـرفن مهـايــل=قلت أترك الموضوع لك وتعبيره
قــلت الســديــري للمـهمـات شايـــل=أنصى الأمير بلازمي و استشيره