المزنة الي تمثناها بروق ورعود=ياعلها تهمل الرحمة على اوطاناها
من بعدها نرفع الاعلام فوق العمود=وانشب نار المعارك وسط ميدانها

يالله بعلم الحيا واللي تناشا يزود=ايعل ديرة هل العوجا وسكانها
من بعدها يانداوي ذوق سم الكبود=يالين روحك تهيد وتمسك اعنانها

مادام مثلك وشرواكم على هالوجود=استغفر الله (يكيف انشاهد امزانها)
مايبلش الناس يالمطنوخ غير اليهود=والسالفة عندنا ياهيه عنوانها

لا بالله اما انت بين فيك اثار السجود=وانته تمر الدير واخليت مرحانها
مايبلش الناس يارجال غير الهنود=تومي لك بروسها ويزيد جنجانها

ديرتك ياجعلها ماهيب ضمن الحدود=الي نجيها ونرفع للغلا شانها
الي يشوفك يقول الشبل نسل الفهود=لاكن ركز على الحبة ونيشانها

المشاركة الأصلية كتبت بواسطة الدجيماء (المشاركة 993662) نداوي مايبلش الناس يالمطنوخ غير اليهود ** والـسـالـفــة عـنــدنــا يـاهــيــه عـنـوانـهــا شبل مرجحين الموازين مـايـبـلـش الــنــاس يــارجـــال غــيـــر الـهــنــود **تــومـي لــك بــروســهــا ويـــزيـــد جـنـجـانـهــا ------------------------------------------------------------------------------------------------- الله الله .. لله دركما .. صحت الالسن والقلوب .. لايقعد الا الهنود ولا اليهود يفاختون على وجه السرعة .. متااابع لين تسرون .. وذلك للمتعه والفائدة ..!!

اديارنا يالربع ماهي تجيها الزيود=في تالي الوقت ولا وقت جدانها
ماني بنسل الفهود انا سليل الاسود=اللي تروعك ضحكتها بنيبانها

وشلون تجحد وتنسى والخلايق شهود=في بادي الوقت وايضا حاضر ازمانها
وش فرق هاذي وهاذي ياعريب الجدود=الباخرة ياشبل في حكم قبطانها