من أروع المحاورات في شعر الرد _ الشاعر الفذ سوار الذهب والشاعر الكبير مستور العصيمي
 

مستور العصيمي :





ياسلام الله بحفل مطيـر حمـران النواظـر
الرجال اللي مع الإعـلام مرفـوعاً علمهـا
الشعر من هيض والا غيض وافكار وخواطر
من لقى لـه فرصـةًً فـأول حياتـه يغتمنهـا



عبدالله الميزاني :




ياهلا يا مرحبا . يامرحبا حاضر بحاضر
الله الله يا مواطي رجلهـا مـدري قدمهـا
انت يامستور شاعر فيك شي من المشاعر
مير حنا ما نبي طبخه لحمها فـي شحمهـا



مستور العصيمي :




الشعر مايطلع الا من مشاعر وأنت شاعر
يعرفه من يعرف حقوق الرجال ويحترمها
أرضنا فيها العجايب والبحر فيه البواخر
خل صناع الحلي حول العقود اللي نظمها



عبدالله الميزاني :




أنطقوها باللسان وسجلوهـا بالدفاتـر
وش يورا خادم الدنيا وغيره ما خدمها
دقه البيبان ماهي شي مع دق الخناجر
والمنايا يالعصيمي موت مايرحم سهمها




مستور العصيمي :



الليالـي ماتعلـم بالـحـدث بـاطـن وظـاهـر
ميـر رعيـان الغنـم ماتفلـح الا فـي غنمـهـا
انت الأوسط من مطير ولا انت الأول ما أنت الأخر
ميـر غيـرك مايعلـم بالحلـوم اللـي حلمـهـا



عبدالله الميزاني :




انتهت هجرتك ياعبدالرسـول ولا تهاجـر
من بنى القبه على راس الشريف ومن هدمها
كل ماجينا نصب الكحـل مانلقـى محاجـر
والغشيم اليا لقى الصخره على دربه غشمها



مستور العصيمي





الهروج العوج للرجال مافيهـا تفاخـر
صل لّله واعبده واهل الصنم تعبد صنمها
نصها يم الحجول ونصها في ريع ذاخر
لي صحيبٍ ياكل التمره ويلحقها عجمها



عبدالله الميزاني :





ابتدأ التفصيل .. توصيل القلوب اليا الحناجر
كـل مابـروا تهامـه يالعصيمـي تتهمهـا
الصوابر بيض وأنته من زمان العام صابر
والغريبه راسها واخناعهـا يكتـم نسمهـا

أنطقوها باللسان وسجلوهـا بالدفاتـر
وش يورا خادم الدنيا وغيره ما خدمها
دقه البيبان ماهي شي مع دق الخناجر
والمنايا يالعصيمي موت مايرحم سهمها

والله واكبر ياسوار الذهب

تلاعب فالمفردات وحبك



تسلم يمينك ياشمروخ

الله الله يا بو تركي صدقت كلام من ذهب

صحت السنتة الشعراء وسلمت على النقل يا شمروخ

كبروا عقولكم شوي ياشباب وخلونا من المهاترات .



الشعر فن ورقي أسمى من التعامل معه بطريقة تشجيع الاندية .

والله إنها من أجمل المحاورات اللي قريت


مستور العصيمي شاعر علم ومدرسه شعريه عسى الله يطول بعمره

سوار الذهب لله درك يابو غازي من شاعر

نعم مستور أحد رموز شعر الرد الذي له كل تقدير .


الله يعافيه ويعطيه طولة العمر .

لاهنت ولاهانوا الشعراء



الليالـي ماتعلـم بالـحـدث بـاطـن وظـاهـر
ميـر رعيـان الغنـم ماتفلـح الا فـي غنمـهـا

ياهلا يا مرحبا . يامرحبا حاضر بحاضر
الله الله يا مواطي رجلهـا مـدري قدمهـا


مدري وش الفرق بين الرجل والقدم

يابن روق محاورة رائعة وفاخرة مالفت نظرك الا القدم والرجل .


يابن روق سوار الذهب يقول مواطي رجلها = تعرف مواطي الرجل يعني الجرة .

القدم عضو في الانسان .


يعني مواطي القدم أو القدم بنفسها .

انت الأوسط من مطير ولا انت الأول ما أنت الأخر
ميـر غيـرك مايعلـم بالحلـوم اللـي حلمـهـا





الله الله يا بو تركي صدقت كلام من ذهب

صحت السنتة الشعراء وسلمت على النقل يا شمروخ